ਮਨ ਕਾਮਨਾ

[ਖ: ਤ: ਪੁ: ਸ:। ਸੰਸਕ੍ਰਿਤ, ਮਨਸ੍ਹ੍ਹ = ਦਿਲ। ਕਾਮਨਾ = ਇੱਛਾ] ੧. ਮਨ ਦੀ ਕਾਮਨਾ ਮੂਜਬ = ਇੱਛਾ ਅਨੁਸਾਰ। ਯਥਾ- ‘ਮਨ ਕਾਮਨਾ ਤੀਰਥ ਦੇਹ ਛੁਟੈ’ (੨੬੫), ਮਨ ਦੀ ਕਾਮਨਾ ਮੂਜਬ ਕਿਸੇ ਤੀਰਥ ਤੇ ਦੇਹ ਛੁਟੇ। ਅਥਵਾ ਮਨ-ਕਾਮਨਾ ਨਾਮੇ ਤੀਰਥ ਤੇ ਦੇਹ ਛੁਟੇ। ਦੇਖੋ, ਅਗਲਾ ਅੰਕ। ੨. ਇਕ ਤੀਰਥ ਦਾ ਨਾਉਂ ਹੈ, ਜਿਸ ਨੂੰ ਪਰਸਿਆਂ ਜੋ ਮਨ ਦੀ ਇੱਛਾ ਹੋਵੇ ਪੂਰਨ ਹੁੰਦੀ ਮੰਨਦੇ ਹਨ। ਯਥਾ- ‘ਸਤਿਗੁਰੂ ਮਨ ਕਾਮਨਾ ਤੀਰਥੁ ਹੈ’ (੨੬), ਗੁਰੂ ਜੀ ਕਹਿੰਦੇ ਹਨ ਕਿ ਐਸਾ ਤੀਰਥ ਸਤਿਗੁਰੂ ਹੈ। ਤਥਾ-’ਮਨ ਕਾਮਨਾ ਤੀਰਥ ਜਾਇ ਬਸਿਓ ਸਿਰਿ ਕਰਵਤ ਧਰਾਏ’ (੬੪੨)।

« ਸ਼ਬਦਾਰਥ ਦੇ ਮੁੱਖ ਪੰਨੇ ਤੇ ਜਾਓ