[ਸੰ:। ਸੰਸਕ੍ਰਿਤ, ਧਾਤੂ, ਰਘ੍ਹ੍ਹ, ਲਘਿ (= ਚਮਕਨਾ) ਤੋਂ ਰਘੁ। ਸੰਸਕ੍ਰਿਤ, ਰਾਜਾ। ਪ੍ਰਾਕ੍ਰਿਤ, ਰਾਜਾ। ਪੰਜਾਬੀ, ਰਾਇ, ਰਾਇਓ = ਸ੍ਵਾਮੀ। ਰਘੁਨਾਥ = ਪ੍ਰਕਾਸ਼ ਸਰੂਪ ਸ੍ਵਾਮੀ। ਸੰਸਕ੍ਰਿਤ, ਨਾਥ = ਸ੍ਵਾਮੀ] ਪ੍ਰਕਾਸ਼ ਰੂਪ ਸ੍ਵਾਮੀ, ਸਰਬ ਸ੍ਰਿਸ਼ਟੀ ਦਾ ਮਾਲਕ ਭਾਵ ਪਰਮੇਸ਼ਰ। ਯਥਾ- ‘ਜਉ ਸੁਨਤੋ ਹੈ ਰਘੁਰਾਇਓ’, ਤਥਾ-’ਟੇਕ ਏਕ ਰਘਨਾਥ’* (੧੪੨੯)। *ਇਹਨਾਂ ਪਦਾਂ ਤੋਂ ਹੀ ਸ੍ਰੀ ਰਾਮ ਚੰਦਰ ਅਰਥ ਲੈਣਾ ਯੋਗ ਨਹੀਂ, ਕਿਉਂਕਿ ਇਹਨਾਂ ਹੀ ਸਲੋਕਾਂ ਵਿਚ ਸ੍ਰੀ ਰਾਮ ਚੰਦਰ ਨੂੰ ਆਖਿਆ ਹੈ-’ਰਾਮ ਗਇਓ’। ਜਿਨ੍ਹਾਂ ਨੂੰ ‘ਥਿਰ ਕਿਛ ਨਹੀਂ’ ਕਿਹਾ, ਉਹਨਾਂ ਦੀ ਟੇਕ ਆਪ ਕਦੇ ਲੈ ਸਕਦੇ ਹਨ ?
ਸ੍ਰੋਤ: ਭਾਈ ਵੀਰ ਸਿੰਘ ਸ਼ਬਦਾਰਥ
« ਸ਼ਬਦਾਰਥ ਦੇ ਮੁੱਖ ਪੰਨੇ ਤੇ ਜਾਓ