ਯਦੁ ਦੀ ਔਲਾਦ ਦੇ ਲੋਕ. ਯਾਦੋ. ਦੇਖੋ, ਯਯਾਤਿ. ਯਾਦਵਾਂ ਵਿੱਚ ਕ੍ਰਿਸਨ ਜੀ ਵਡੇ ਨੀਤਿਵੇੱਤਾ ਅਤੇ ਪ੍ਰਤਾਪੀ ਹੋਏ ਹਨ. ਇਨ੍ਹਾਂ ਦੀ ਰਾਜਧਾਨੀ ਪਹਿਲਾਂ ਮਥੁਰਾ, ਫੇਰ ਦ੍ਵਾਰਕਾ ਰਹੀ ਹੈ. ਹੁਣ ਵਿਜਯਨਗਰ ਦੇ ਰਾਜਾ ਆਪਣੇ ਤਾਂਈ ਯਾਦਵ ਕੁਲ ਦੇ ਸਰਤਾਜ ਸਮਝਦੇ ਹਨ. ਵਿਸਨੁਪੁਰਾਣ ਵਿੱਚ ਲੇਖ ਹੈ ਕਿ ਯਾਦਵ ਕੁਲ ਦੀ ਕੋਈ ਗਿਣਤੀ ਨਹੀਂ ਕਰ ਸਕਦਾ. ਕਈ ਗ੍ਰੰਥਾਂ ਵਿੱਚ ਯਾਦਵ ੫੬ ਕਰੋੜ ਲਿਖੇ ਹਨ.¹ ਮਹਾਭਾਰਤ ਦੇ ਜੰਗ ਪਿੱਛੋਂ ਆਪੋਵਿੱਚੀ ਲੜਾਈ ਹੋਣ ਕਰਕੇ ਯਾਦਵਵੰਸ਼ ਰਾਜ ਪ੍ਰਤਾਪ ਖੋ ਬੈਠਾ. ¹ਜਿਵੇਂ ਤ੍ਰਯਃ ਤ੍ਰਿੰਸ਼ਤਕੋਟਿ ਤੋਂ ਤੇਤੀ ਕਰੋੜ ਸ਼ਬਦ ਬਣ ਗਿਆ ਹੈ, ਇਵੇਂ ਹੀ ਸਟ੍ ਪੰਚਾਸ਼ਤ ਕੋਟਿ ਤੋਂ ਛਪੰਜਾ ਕਰੋੜ ਬਣ ਗਿਆ ਹੈ. ਇਸ ਦਾ ਅਸਲ ਭਾਵ ਹੈ ਛਪੰਜਾ ਪ੍ਰਧਾਨ ਗੋਤਾਂ ਦੇ ਬਾਵਨ, ਅਰਥਾਤ ਸੁਰ ਵ੍ਰਿਸ੍ਟਿ ਆਦਿ. ਦੇਖੋ, ਤੇਤੀਸ ਕੋਟਿ.
ਸ੍ਰੋਤ: ਮਹਾਨ ਕੋਸ਼
« ਸ਼ਬਦਾਰਥ ਦੇ ਮੁੱਖ ਪੰਨੇ ਤੇ ਜਾਓ