ਉਕ੍ਤਿ

[ਸੰ:। ਸੰਸਕ੍ਰਿਤ, ਉਕ੍ਤਿ = ਬਚਨ] ੧. ਦਲੀਲ, ਬੁਧਿ। ਯਥਾ- ‘ਜਾਪ ਤਾਪ ਕਉ ਉਕਤਿ ਨ ਮੋਰੀ’ (੩੭੭), ਜਪਾਂ ਤਪਾਂ ਵਿੱਚ ਕੁਛ ਮੇਰੀ ਬੁਧੀ ਨਹੀਂ ਹੈ। ਤਥਾ-’ਕਛੂ ਸਿਆਨਪ ਉਕਤਿ ਨ ਮੋਰੀ’ (੭੫੯), ਮੇਰੀ ਸਿਆਣਪ ਅਰ ਬੁਧਿ ਕੁਛ ਨਹੀਂ ਹੈ। ਤਥਾ-’ਉਕਤਿ ਸਿਆਣਪ ਸਗਲ ਤਿਆਗਿ ਨਾਨਕ ਲਏ ਸਮਾਇ’ (੨੬੦), (ਗੁਰੂ) ਨਾਨਕ (ਸਾਹਿਬ ਜੀ ਕਹਿੰਦੇ ਹਨ) ਸਿਆਣਪ ਤੇ ਬੁਧਿ ਸਭ ਛੱਡ ਦੇਹ (ਤਦ ਤੈਨੂੰ) ਕਰਤਾਰ ਆਪਣੇ ਚਰਨਾਂ ਵਿੱਚ ਸਮਾ ਲਏਗਾ। ੨. ਯੁਕਤੀ। ਯਥਾ- ‘ਅਪਨੀ ਉਕਤਿ ਖਲਾਵੈ ਭੋਜਨ ਅਪਨੀ ਉਕਤਿ ਖੇਲਾਵੈ’ (੬੮੦), (ਪ੍ਰਭੂ) ਆਪਣੀ ਯੁਕਤੀ ਨਾਲ ਖਿਡਾਉਂਦਾ (ਲਡਾਉਂਦਾ) ਹੈ।