[ਸੰ:। ਫ਼ਾਰਸੀ, ਗੌਹਰ-ਮੋਤੀ, ਤਤ] ੧. ਮੋਤੀ। ੨. [ਫ਼ਾਰਸੀ ਵਿੱਚ ਗੌਹਰ ਤੇ ਅਰਬੀ ਵਿੱਚ ਜੌਹਰ ਦਾ ਅਰਥ ਹੈ, ਹਰ ਸ਼ੈ ਦੀ ਅਸਲ ‘ਮੂਲ’, ‘ਅਕਲ’] ਦਾਨਾ। ਯਥਾ- ‘ਤੁਮ੍ਹ੍ਹ ਗਉਹਰ ਅਤਿ ਗਹਿਰ ਗੰਭੀਰਾ ਤੁਮ ਪਿਰ ਹਮ ਬਹੁਰੀਆ ਰਾਮ’ (੭੭੯), ਆਪ ਬੜੇ ਦਾਨਾ, ਡੂੰਘੇ (ਵਿਚਾਰ ਵਾਲੇ ਤੇ) ਗੰਭੀਰ (ਅਡੋਲ) ਪਤੀ ਵਤ ਹੋ ਅਰ ਅਸੀਂ (ਆਪ ਦੀ) ਇਸਤ੍ਰੀ ਵਤ (ਨਿਰਬਲ ਅਰ ਅਧੀਨ ਦਾਸ) ਹਾਂ, ਹੇ ਰਾਮ! ਦੇਖੋ, ‘ਬਹੁਰੀਆ’ ੩. ਕਈ ਗ੍ਯਾਨੀ ਸਮੁੰਦਰ ਤੇ ਡੂੰਘਾ ਅਰਥ ਭੀ ਕਰਦੇ ਹਨ। ਸ਼ਾਇਦ ਗਹਿਰਾਂ ਤੋਂ ਗੌਹਰ ਬਣਿਆ ਹੋਵੇ। ਯਥਾ- ‘ਗੁਰੁ ਗਉਹਰੁ ਦਰੀਆਉ’ (੧੩੯੫)।
ਸ੍ਰੋਤ: ਭਾਈ ਵੀਰ ਸਿੰਘ ਸ਼ਬਦਾਰਥ
« ਸ਼ਬਦਾਰਥ ਦੇ ਮੁੱਖ ਪੰਨੇ ਤੇ ਜਾਓ