ਪੰਜੀਰ

[ਸੰ:। ਪੰਜਾਬੀ*] ਪੰਜੀਰੀ। ਘਿਉ ਵਿੱਚ ਆਟਾ ਭੁੰਨ ਕੇ, ਖੰਡ ਮਿਲਾ ਕੇ ਮਿੱਠਾ ਜਿਹਾ ਧੂੜਾ ਬਣਾ ਲੈਂਦੇ ਹਨ। ਆਟਾ, ਖੰਡ, ਘਿਉ, ਜ਼ੀਰਾ, ਧਨੀਆ ਯਾ ਸੁੰਢ (ਹੁਨਾਲੇ ਧਨੀਆ ਤੇ ਸਿਆਲੇ ਸੁੰਢ) ਇਹ ਪੰਜ ਚੀਜ਼ਾਂ ਪੈਣ ਕਰਕੇ ਪੰਜੀਰੀ। ਇਹ ਵਯੰਮ ਵਾਲੀ ਤ੍ਰੀਮਤ ਨੂੰ ਵੀ ਖੁਲਾਉਂਦੇ ਹਨ। ਵਿਆਹ ਵਿੱਚ ਧੀ ਨੂੰ ਦੇਂਦੇ ਤੇ ਕਈ ਸੁਖਣਾ ਪੁਜਣ ‘ਤੇ ਵੀ ਪੰਜੀਰੀ ਵੰਡਦੇ ਹਨ। ਯਥਾ- ‘ਕਰਿ ਪੰਜੀਰੁ ਖਵਾਇਓ ਚੋਰ’ (੧੧੩੬), ਪੰਜੀਰੀ ਕੁਟ ਕੇ ਜਸੋਧਾਂ ਨੂੰ ਚੋਰੀ ਖਵਾਉਂਦੇ ਹਨ, ਵ ਉਹ ਲੋਕ ਚੋਰ ਹਨ। *ਮਲੂਮ ਹੁੰਦਾ ਹੈ ਕਿ ਇਹ ਪਦ ਫ਼ਾਰਸੀ ਦੇ ਦੋ ਪਦਾਂ ਤੋਂ ਬਣਾਇਆ ਗਿਆ ਹੈ। ਪੰਜ+ਸ਼ੀਰੀਂ=ਉਹ ਮਿੱਠੀ ਸ਼ੈ ਜੋ ਪੰਜਾਂ ਦੇ ਮਿਲਣ ਤੋਂ ਬਣੇ।