[ਗੁ:। ਸੰਸਕ੍ਰਿਤ, ਬਾਲਾ=ਇਸਤ੍ਰੀ ੧੬ ਵਰ੍ਹੇ ਤੋਂ ਘੱਟ ਉਮਰ ਦੀ] ੧. ਮੁਗਧਾ ਇਸਤ੍ਰੀ, ਪਤੀ ਤੋਂ ਸੰਗਣ ਵਾਲੀ ਵਹੁਟੀ, ਭਾਵ ਜਗਿਆਸੂ। ਯਥਾ- ‘ਥਰ ਹਰ ਕੰਪੈ ਬਾਲਾ ਜੀਉ’ (੭੯੨), ਥਰ ਥਰ ਕੰਬਦਾ ਹੈ ਮੇਰਾ ਮੁਗਧਾ ਇਸਤ੍ਰੀ ਵਰਗਾ (ਡਰਨੇ ਵਾਲਾ) ਦਿਲ। ਤਥਾ-’ਕਹੰਤ ਬੇਦਾ ਗੁਣੰਤ ਗੁਨੀਆ ਸੁਣੰਤ ਬਾਲਾ’ (੧੩੫੫), ਗੁਣਦੇ ਹਨ ਗੁਣੀ ਤੇ ਸੁਣਦੇ ਹਨ ਜਗਿਆਸੂ। ੨. [ਅਰਬੀ, ਬਾਲਾ=ਬੇ ਪਰਵਾਹ] ਬੇਪਰਵਾਹ। ਯਥਾ- ‘ਘਰ ਹੀ ਮਹਿ ਪ੍ਰੀਤਮੁ ਸਦਾ ਹੈ ਬਾਲਾ’ (੧੨੬)। ੩. [ਹਿੰਦੀ] ਬਾਲਕਾ। ਯਥਾ- ‘ਓਹੁ ਨ ਬਾਲਾ ਬੂਢਾ ਭਾਈ’ (੩੭੮)। ੪. [ਫ਼ਾਰਸੀ, ਬਾਲਾ=ਉੱਚਾ, ਵੱਡਾ] ਯਥਾ- ‘ਪਿਰੁ ਰਲੀਆਲਾ ਜੋਬਨੁ ਬਾਲਾ’ (੫੬੮)। ਦੇਖੋ, ‘ਰਲੀਆਲਾ’ ੫. ਨਵੀਨ ਜੋਬਨ ਵਾਲਾ। ਦੇਖੋ, ‘ਜੋਬਨ ਵਾਲਾ’
ਸ੍ਰੋਤ: ਭਾਈ ਵੀਰ ਸਿੰਘ ਸ਼ਬਦਾਰਥ
« ਸ਼ਬਦਾਰਥ ਦੇ ਮੁੱਖ ਪੰਨੇ ਤੇ ਜਾਓ