ਬਾਲੀ

[ਸੰ:। ਸੰਸਕ੍ਰਿਤ। ਬਾਲਿ=ਇਕ ਦੱਖਣੀ ਜਾਂਗਲੀ ਕੌਮ ਦਾ ਰਾਜਾ ਜਿਸ ਨੂੰ ਸ੍ਰੀ ਰਾਮ ਜੀ ਨੇ ਮਾਰਿਆ, ਉਸ ਦੀ ਵਹੁਟੀ, ਬਾਲੀ] ੧. ਬਾਲਿ ਦੀ ਵਹੁਟੀ। ਯਥਾ- ‘ਬਾਲੀ ਰੋਵੈ ਨਾਹਿ ਭਤਾਰੁ’ (੯੫੪), ਬਾਲੀ ਨੇ ਰੁਦਨ ਕੀਤਾ ਸੀ ਜਦ ਬਾਲਿ ਮਾਰਿਆ ਗਿਆ। ੨. [ਸੰਸਕ੍ਰਿਤ, ਬਾਲਾ] ਇਸਤ੍ਰੀ। ਯਥਾ- ‘ਬਾਲੀ ਰੋਵੈ ਨਾਹਿ ਭਤਾਰੁ’ (੯੫੪), ਇਸਤ੍ਰੀ ਰੋਂਦੀ ਹੈ (ਜਦ) ਪਤੀ ਨਾ ਹੋਵੇ। ਤਥਾ-’ਇਆਣੀ ਬਾਲੀ ਕਿਆ ਕਰੇ ਜਾ ਧਨ ਕੰਤ ਨ ਭਾਵੈ’ (੭੨੨), ਤਥਾ-’ਬਾਬੁਲ ਕੈ ਘਰਿ ਬੇਟੜੀ ਬਾਲੀ ਬਾਲੈ ਨੇਹਿ’ (੯੩੫), ਪਿਤਾ ਦੇ ਘਰ ਧੀ ਹੈਂ (ਤੂੰ) ਅਰ ਪਿਆਰ ਕਰਦੀ ਹੈਂ ਕੁੜੀਆਂ ਤੇ ਮੁੰਡਿਆਂ ਨਾਲ। ਪਰ ਜੇ ਪਤੀ ਦੀ ਲੋੜ ਕਰੇਂ (ਕਾਮਨੀ ਹੋ ਕੇ) ਤਦ ਸਤਿਗੁਰਾਂ ਨਾਲ ਹਿਤ ਕਰਨਾ ਚਾਹੀਦਾ ਹੈ, ਜੋ ਪਤੀ (ਵਾਹਿਗੁਰੂ) ਮਿਲਾਉਂਦੇ ਹਨ। ਬਾਲਕਾਂ ਦੇ ਪਿਆਰ ਵਿੱਚ ਤਾਂ ਖੇਡਦਿਆਂ ਹੀ ਬੀਤ ਜਾਏਗੀ। ਭਾਵ ਵਿੱਚ ਬਾਲੀ=ਬੁਧੀ, ਬਾਲੇ=ਪਦਾਰਥ ਵੀ ਲੈਂਦੇ ਹਨ।