[ਸੰ:। ਫ਼ਾਰਸੀ, ਬੰਦ] ੧. ਕੈਦ। ਯਥਾ- ‘ਬੰਦਿ ਰਬਾਣੀਐ’ (੧੨੮੭), ਰੱਬ ਦਾ ਬੰਦੀਖ਼ਾਨਾ। ਇਸ ਦੇ ਦੋ ਹੋਰ ਤਰ੍ਹਾਂ ਪਾਠ ਕਰ ਕੇ ਦੋ ਅਰਥ ਹੋਰ ਵੀ ਕਰਦੇ ਹਨ-’ਬੰਦਰ ਬਾਣੀਏ’, ਭਾਵ ਬਾਂਦਰ ਵਾਂਙੂ ਸੁਭਾਵ। ਦੂਸਰਾ ‘ਬੰਦਿ ਰਬਾਣੀਐ’, ਭਾਵ ਰੱਬ ਦੇ ਬੰਦੇ। ੨. [ਕ੍ਰਿ:। ਫ਼ਾਰਸੀ] ਬੰਨ੍ਹ ਕੇ। ਯਥਾ- ‘ਲਸਕਰ ਤਰਕਸ ਬੰਦ ਬੰਦ ਜੀਉ ਜੀਉ ਸਗਲੀ ਕੀਤ’ (੭੦), ਲਸ਼ਕਰ ਭੱਥੇ (ਬੰਦ) ਬੰਨ੍ਹ ਕੇ ਤੇ (ਬੰਦ) ਹੱਥ ਜੋੜ ਕੇ ਅੱਗੋਂ ਜੀ ਜੀ ਪਏ ਕਰਨ। ੩. [ਫ਼ਾਰਸੀ, ਵੰਦ] ਵਾਲਾ। ਯਥਾ- ‘ਦਾਨਸਬੰਦੁ ਸੋਈ ਦਿਲਿ ਧੋਵੈ’ (੬੬੨)। ੪. ਬੰਦਨਾ। ਦੇਖੋ, ‘ਬੰਦ ਚਿਰਾਮੰ’
ਸ੍ਰੋਤ: ਭਾਈ ਵੀਰ ਸਿੰਘ ਸ਼ਬਦਾਰਥ
« ਸ਼ਬਦਾਰਥ ਦੇ ਮੁੱਖ ਪੰਨੇ ਤੇ ਜਾਓ