ਰਿਖੀ

[ਸੰ:। ਸੰਸਕ੍ਰਿਤ, ਰਿਸਿ = ਜੋ ਸੰਸਾਰਕ ਜੀਵਨ ਤੇ ਬੁੱਧੀ ਤੋਂ ਅੱਗੇ ਲੰਘ ਜਾਵੇ] ੧. ਸੰਤ, ਮਹਾਤਮਾ। ੨. ਵੇਦ ਮੰਤ੍ਰਾਂ ਨੂੰ ਉਚਾਰਨ, ਰਚਣ ਯਾ ਅਨੁਭਵ ਕਰਨ ਵਾਲਾ* । ਅਥਵਾ ਵੇਦ ਮੰਤ੍ਰ ਜਿਸ ਦੇ ਕੰਠ ਹੋਣ। ਯਥਾ- ‘ਰਿਖਿ ਬਪੁਰੈ ਹਰਿ ਗਾਇਆ’ (੯੯੫), ਤਥਾ- ‘ਰਿਖੀ ਬਪੁੜੇ ਢਾਢੀਆ ਗਾਵੰਤ ਆਛੈ’ (੧੨੯੨)। ਦੇਖੋ, ‘ਰਿਖੀ ਕੇਸ’ *ਰਿਖੀ ਸਤ ਪ੍ਰਕਾਰ ਦੇ ਦੱਸੇ ਹਨ-ਸ਼੍ਰੁਤ ਰਿਖੀ, ਕਾਂਡ ਰਿਖੀ, ਪਰਮ ਰਿਖੀ, ਮਹਾ ਰਿਖੀ, ਰਾਜ ਰਿਖੀ, ਬ੍ਰਹਮ ਰਿਖੀ, ਦੇਵ ਰਿਖੀ। ਇਸ ਮਨਵੰਤਰ ਦੇ ਰਿਖੀਆਂ ਦੇ ਨਾਮ ਇਹ ਹਨ-ਮ੍ਰਿਚਾ, ਅਤੈ, ਐਗ੍ਰਿਾਸ, ਪੁਲਸਤ, ਪੁਲਾਲ, ਕ੍ਰਤੂ ਤੇ ਵਸ਼ਿਸ਼ਟ। ਸਤ ਸਤਾਰੇ ਜੋ ਰਾਤ ਨੂੰ ਧ੍ਰੂ ਦੁਆਲੇ ਭੌਂਦੇ ਦਿੱਸਦੇ ਹਨ, ਉਹਨਾਂ ਨੂੰ ਵੀ ਰਿਖੀ ਕਹਿੰਦੇ ਹਨ। Great Bear.