[ਸੰ:। ਦੇਸ਼ ਭਾਸ਼ਾ। ਸੰਸਕ੍ਰਿਤ, ਧਾਤੂ, ਰਂਜ = ਰੰਗ ਕਰਨ ਤੋਂ। ਸੰਸਕ੍ਰਿਤ ਵਿਚ ਰਜਨੀ = ਨੀਲ ਦਾ ਵੀ ਨਾਮ ਹੈ] ੧. ਲਿਲਾਰੀ, ਜਿਸ ਵਿਚ ਨੀਲ ਯਾ ਕਸੁੰਭੇ ਦਾ ਰੰਗ ਕਢਦੇ ਹਨ, ਉਹ ਬਰਤਨ, ਮਟਕੀ, ਰੰਗਣ। ਯਥਾ- ‘ਤਨੁ ਰੈਨੀ ਮਨੁ ਪੁਨਰਪਿ ਕਰਿਹਉ ਪਾਚਉ ਤਤ ਬਰਾਤੀ’ (੪੮੨), ਦੇਹ ਮਟਕੀ ਅਰ (ਮਨ) ਅੰਤਸ਼ਕਰਣ ਰੂਪੀ ਕਪੜਿਆਂ ਦਾ (ਰਪਿ) ਰੰਗਣਾ ਕਰੋ। (ਪਾਚਉ) ਸਤ, ਸੰਤੋਖ, ਦਇਆ, ਧਰਮ, ਧੀਰਜ ਜਾਂਞੀ (ਬਣਾਓ)। ੨. [ਸੰ:। ਦੇਖੋ, ‘ਰੈਣ’] ਰਾਤ। ਯਥਾ- ‘ਗੁਰ ਸਤਿਗੁਰੁ ਪਾਰਬ੍ਰਹਮੁ ਕਰਿ ਪੂਜਹੁ ਨਿਤ ਸੇਵਹੁ ਦਿਨਸੁ ਸਭ ਰੈਣੀ’ (੮੦੦)।
ਸ੍ਰੋਤ: ਭਾਈ ਵੀਰ ਸਿੰਘ ਸ਼ਬਦਾਰਥ
« ਸ਼ਬਦਾਰਥ ਦੇ ਮੁੱਖ ਪੰਨੇ ਤੇ ਜਾਓ